Lazim Destani, President Nderi i Dhomës

Nën organizimin e Fondit Shqiptar për Zhvillimin e Diasporës dhe me mbështetjen e Ministrit të Shtetit për Diasporën, më 27 nëntor 2019, në Tiranë u themelua Dhoma e Biznesit të Diasporës (DhBD). Në aktin e themelimit morën pjesë biznesmenë nga diaspora, autoritete shtetërore si, Ministri i Shtetit për Diasporën, Pandeli Majko, Ministri i Shtetit për Mbrojtjen e Sipërmarrjes, Eduart Shalsi, Kryetari i Bashkisë së Tiranës, Erion Veliaj, e të tjerë.

Përurohet shtatorja e themeluesit të Universitetit dhe “Flakadani i Kujtesës”, dy vepra arti këto, dhuratë Universitetit nga filantropi Lazim Destani. Plot një çerekshekulli përpjekjesh të pafundme për arsimimin dhe universitetin shqip në Tetovë, tashmë ky universitet mban emrin e ideatorit, themeluesit dhe rektorit të parë, Fadil Sulejmani.

I prekur thellë nga pasojat e tërmetit që goditi Shqipërinë, Lazim Destani viziton qytetet që e pësuan nga kjo fatkeqësi natyrore. Lëkundjet e tokës lanë pas dhjetëra viktima, qindra të lënduar dhe shumë ndërtesa e shtëpi të shembura. Mijëra të tjerë, të tronditur e pa kulm mbi kokë, u strehuan nëpër salla sportesh e nëpër kampet e ngritura në fusha futbolli. Po këtë ditë, Lazim Destani dërgon gjithashtu një kontingjent me ndihma emergjente për t’u ardhur në ndihmë banorëve të kësaj ane.

I ftuar nga organizatori i Kongresit, Unioni i Bizneseve Shqiptaro-Gjermane në Gjermani, Lazim Destani mori pjesë në Kongresin e II-të Ekonomik që i zhvilloi punimet më 9-10 nëntor në Frankfurt. Në këtë Kongres morën pjesë shumë afaristë nga Kosova e Gjermania, duke u mbledhur bashkë rreth 600 biznese shqiptare dhe gjermane.

Kryetari i Bordit Këshillëdhënës të Ecolog-ut, z. Lazim Destani, në zyrat e kompanisë në Tetovë e priti për vizitë Ambasadoren britaneze në Republikën e Maqedonisë së Veriut, Shkëlqesinë e Saj Rachel Galloway. Përkushtimi i tij i vazhdueshëm për të luftuar problemin e papunësisë së të rinjve që e ka shtrënguar tash e sa kohë Ballkanin Perëndimor ishte fokus i takimit me Ambasadoren. Rëndësia e çuarjes përpara të marrëdhëneve të shkëlqyera mes Maqedonisë së Veriut dhe Qeverisë së Mbretërisë së Bashkuar ishte gjithashtu njëra nga temat e diskutimit. “Rritja e marrëdhënieve mes dy vendeve tona nuk është e rastësishme” tha z. Destani.

Gjermani/ Lazim Destani i pret Anëtarët e Këshillit Koordinues të Diasporës Shqiptare. Ky Këshill 15 anëtarësh, pjesë e të cilit është dhe Lazim Destani, është ngritur rishtazi si njësi e re në kuadër të Ministrisë së Diasporës në Republikën e Shqipërisë.

Përmes një ceremonie inauguruese, te shkolla fillore “Liria” në Tetovë, sot u lëshua në përdorim ndërtesa e re anekse për fëmijët me nevoja të veçanta. Ky objekt përfshin tre klasa mësimi, tualete si dhe hapësirat e nevojshme plotësuese, ndërsa është donacion nga kompania Ecolog. Inventari i këtyre hapësirave mësimore është donacion nga Ambasada e Gjermanisë me të cilën kompania Ecolog ka marrëdhënie të shkëlqyera bashkëpunimi.

Lazim Destani merr pjesë në këtë konferencë tre-ditëshe ku po realizon një agjendë të ngjeshur takimesh. Konferenca, që ndryshe njihet si „Lutjet e Mëngjesit“, sivjet është e 24-ta me radhë dhe organizohet nën patronazhin e Kryetarit të Parlamentit Gjerman.

Klubi i futbollit Shkëndija, të dielën më 19 Maj 2019, e ngriti trofeun për titullin e kampionit të stinorit 2018/2019. Menjëherë të nesërmen erdhën urimet e përzemërta nga numri një i Shkëndijës, Lazim Destani, drejtuar të gjithë atyre që me kënaqësi i ndjekin ndeshjet dhe sukseset e klubit kuqezi.

Si përkrahës dhe aktivist i zhvillimit ekonomik të rajonit të Europës Juglindore, Lazim Destani, mori pjesë në konferencën e posaçme të Forumit Ekonomik të Vienës, me temë: “Vienna Economic Talk – Perspektiva të reja për Republikën e Maqedonisë së Veriut”. Konferenca u mbajt më 20 maj 2019 nën organizimin e A1 Telekom Austria Group, në selinë e tyre në kryeqytetin austriak, Vienë.

Përmes një ceremonie të veçantë në mbyllje të Samitit të dytë të Diasporës në Tiranë, nga Ministria e Diasporës e R. së Shqipërisë, Lazim Destani nderohet me çmimet “Shqiponja e Artë e Diasporës” dhe “Ambasador i Kombit”. Me këtë rast, krahas suksesit të Lazim Destanit si sipërmarrës, në mënyrë të veçantë u theksua kontributi i tij si humanitar dhe filantrop i shquar.

Lazim Destani mori pjesë në Samitin e dytë të Diasporës Shqiptare, që me mbështetjen e autoriteteve shtetërore i zhvilloi punimet këto ditë në Tiranë. Në ceremoninë e hapjes së Samitit ishin prezent autoritete shtetërore nga Shqipëria, Kosova, Maqedonia e Veriut si dhe përfaqësues të shumtë nga komuniteti i biznesit të diasporës shqiptare.

Lazim Destani mori pjesë në Forumin Ekonomik të Vienës që këto ditë i zhvilloi punimet mbi temën “Bashkëpunimi Rajonal si pjesë e Integrimit Europian. Digjitalizimi në Ballkan”. Ky Forum jubilar, i 15-ti me radhë, i zhvilloi punimet nën patronazhin e kancelarit austriak, Sebastian Kurz, ndërsa morën pjesë krerët e qeverive të rajonit të Ballkanit si dhe përfaqësues të shquar të ekonomisë e të biznesit.

Këto ditë në Tetovë, filantropi Lazim Destani vizitoi Universitetin e Europës Juglindore ku e priti Akademiku, Prof. Dr. Abdylmenaf Bexheti, i zgjedhur rishtas në postin e rektorit të këtij universiteti. Lazim Destani e uroi rektorin Bexheti për detyrën e tij të re duke i dëshiruar punë të mbarë në postin e drejtuesit të këtij institucioni të arsimit sipëror. Lazim Destani me këtë rast shprehu vlerësimin e tij për punën e universitetit, ‘Universiteti i Europës Juglindore gjatë punës shumëvjeçare të kësaj vatre të dijes ka nxjerrë kuadro të nivelit të lartë të cilët sot konkurrojnë në tregun e punës dhe japin kontribut për shoqërinë.’

Lazim Destani mori pjesë në ceremoninë inauguruese të përfundimit të punimeve për Rinovimin e Varrezave të Tetovës. Ishte ky një projekt që u realizua me mbështetje nga vet filantropi Destani dhe familja e tij. Ndër pjesëmarrësit në këtë ceremoni ishte edhe kryetarja e Komunës së Tetovës, znj. Teuta Arifi si dhe kreu i Myftinisë së Tetovës, Qani Nesimi, i cili njëkohësisht ishte dhe nikoqir i ngjarjes.

Një ditë pas festës së Pavarësisë, Eliot Engel në Nju Jork i dhuron Lazim Destanit flamurin amerikan i cili, për të nderuar biznesmenin dhe filantropin shqiptar, u valëvit mbi Kongresin Amerikan në 4 Korrik, Ditën e Pavarësisë së Shteteve të Bashkuara të Amerikës.

Lazim Destani mori pjesë në Forumin me temë, Siguria në Ballkanin Perëndimor, organizuar nga European Leadership Network (ELN) që u mbajt në fillim të këtij muaji në Londër.Forumi për Sigurinë në Ballkanin Perëndimor i zhvilloi punimet në Dhomën e Lartë të Parlamentit të Mbretërisë së Bashkuar. Në këtë takim dy-ditësh morën pjesë personalitete të shquara nga jeta politike e diplomatike si, Lord Des Browne – ish sekretar i mbrojtjes i Mbretërisë së Bashkuar, përfaqësues të Dhomës së Lordëve e të Parlamentit Britanik, përfaqësues të Ministrisë së Jashtme Britanike, përfaqësues të Parlamentit të OSBE-së, si dhe përfaqësues nga vendet e Ballkanit Perëndimor, nga Shqipëria, Kosova, Maqedonia, Mali i Zi, Serbia dhe Bullgaria.

Lazim Destani ishte nikoqir dhe pjesëmarrës në takimin e kryesive të degëve europiane të Rrjetit të Bizneseve të Diasporës Shqiptare (RrBDSh) që këto ditë u mbajt në Dyzeldorf.

Në këtë takim, të kryesuar nga kryetari i Rrjetit për Europë Yll Blakaj, kryetarët e degëve nga vendet përkatëse europiane prezantuan progresin e arritur gjatë këtij viti afarist si dhe paraqitën propozime duke shtjelluar projekt-idetë e tyre nga sfera të ndryshme për investime në projekte konkrete në rajonin e Ballkanit.

Lazim Destani ka zhvilluar diskutime me aktivistin e të drejtave të fëmijëve dhe fitues i Çmimit Nobël për Paqe, indianin Kailash Satyarthi, te Klubi ekonomik në Dyzeldorf.

Me rastin e mbylljes të sezonit garues 2017/2018 në të cilin KF Shkëndija dominoi si asnjëherë më parë duke fituar trofetë në kampionat dhe Kupë, z. Lazim Destani uron ekipin dhe tifozët për kampanjën historike.